Десерт на денот: Крофни од кои тече чоколадо

Churro крофни се познат шпански рецепт кој е навистина едноставен и лесен за подготовка.

Овојпат тајната состојка е чоколадото кое се наоѓа во средината и кое ќе истече штом го гризнете првото залче.

Ако сте љубители на благото, ова е рецепт кој дефинитивно треба да го испробате...

Состојки

• ¼ чаша путер, на коцки
• 2 супени лажици кафеав шеќер
• ½ лажичка сол
• 1 чаша вода
• 1 чаша брашно
• 1 лажичка ванила
• 3-4 јајца
• 170 g чоколадо
• Масло за пржење
• Шеќер со цимет

Начин на подготовка:

Во тенџере на средна температура ставете го путерот, кафеавиот шеќер, солта и водата и оставете смесата да зоврие.

Штом почне да врие, намалете ја малку температурата и додадете го брашното.

Мешајте додека не добиете хомогена смеса без грутчиња. Потоа тргнете го од оган и оставете да се излади најмалку 5 минути.

Додадете го екстрактот од ванила и јајцата, но едно по едно, со постојано мешање.

Ставете ја смесата во готварски шприц и обликувајте ги крофните.

Врз секоја крофна наредете парчиња чоколадо и ставете уште еден слој од смесата.

Вака подготвените крофни ставете ги во фрижидер, најмалку 3 часа или преку ноќ.

Следниот ден испржете ги во врело масло додека не добијат златно кафеава боја.

На крај, извалкајте ги во шеќер и цимет.

" data-width="630" data-show-text="false">

Chocolate-Stuffed Churro Donuts FULL RECIPE: http://bzfd.it/2iFKNFD