Ја викнал во домот, па сакал да ја претепа - Мрачниот однос на Шинед О'Конор и Принц

Така во 2013-та година изјави дека меѓу нив имало голема тензија, а рече дека еден ден ќе открие што навистина се случило кога првпат се сретнале.

„Дали некогаш сум го сретнала Принц? Да и воопшто не се согласувавме. Воопшто. Таа средба стана насилна, па затоа и не можам премногу да зборувам, но навистина беше смешна приказна“ – рече пејачката тогаш.

Во 2016-та година кога Принц почина од преголема доза на фентанил, Шинед повеќе не се воздржуваше, па отворено го кажа сопственото мислење за него. Па рече дека пејачот ја славел сатаната и тепал жени.

„Него не го привлекуваа само дроги, туку и темнината“ – рече таа во изјава за полицијата што потоа беше јавно објавена и додаде дека музичарот целиот свој живот рекреативно користел опојни супстанции.

Во 2021-ва година пејачката ги објави своите мемоари каде детално за првпат раскажа што се случило во рамки на нивната средба откако таа ја објавила преработката за неговата песна во 1990-та година.

Овојпат се наврати на првичната верзија од приказната и раскажа како тој ја поканил во неговата палата во Холивуд и прво почнал да ја критикува затоа што пцуела и користела вулгарни зборови во интервјуата, потоа му наредил на батлерот да ѝ сервира супа иако таа одбивала.

За крај, Принц ѝ понудил да ги надминат разликите во пријателска борба со перници, но потоа ја нападнал со тврд предмет кој бил вметнат во перницата.

Додека пејачката се обидувала да побегне од куќата, Принц не ѝ дозволувал и ја влечел кон неговиот автомобил, по што таа побегнала пеш до куќата на соседите и очајно ѕвонела на нивното ѕвонче.

Според Шинед постоеле неколку причини зошто Принц бил насилен кон неа:

„Прво, на Принц не му се допаѓаше кога луѓето му ги обработуваа песните.

Второ, тој имаше голем број девојки што беа под негова заштита и беше вознемирен што јас не сум една од нив.

Трето, мојот менаџер Стив Франголи претходно беше негов менаџер и тие имаа судски спор. На крај тој имаше навика да тепа жени. Сигурно не сум единствената жена на која некогаш кренал рака“ – рече таа.

Во 2022-ра година, семејството на Принц не дозволи да се искористи нејзината верзија на песната за документарниот филм за неа насловен Nothing Compares.

„Сметав дека Шинед не заслужува да ја искористи песната што мојот брат ја напиша во нејзиниот документарен филм, па затоа ги одбивме. Неговата верзија е најдобра“ – рече сестрата на Принц, Шерон Нелсон.

Инаку, нејзините соработници открија дека таа добивала понуди да направи обработки на повеќе други песни на Принц, но пејачката секогаш велела дека си дала збор дека никогаш повеќе нема да обработи друга песна од него.

 Б. С. Б. | Црнобело