Блиски, а сепак толку далечни (видео)

Детали

четврток, 12 ноември 2015

Благодарение на паметните телефони, таблетите и компјутерите, денес можеме да комуницираме со луѓето дури и на огромни растојанија.

Од најсеверната до најјужната точка на Земјата, луѓето се поврзани благодарение на напредокот на технологијата и новите пронајдоци.

Но, тука настапува парадоксот на новото време.

Имајќи ги сите услови за што поголема блискост и поврзаност луѓето како да заборавија дека одвреме навреме треба да го кренат погледот од своите паметни телефони и таблети и да уживаат во вистинската комуникација, онаа најосновната, очи во очи.

Со цел враќање на комуникацијата и поврзаноста во нивната најсуштинска форма во 156 градови низ светот бил изведен „Најголемиот експеримент за контакт очи в очи во светот“ во кој учествувале 100.000 лица.

Сè што требале да направат било да седнат еден наспроти друг, спроти сосема непозната личност и да погледнат во нејзиното лице.

Резултатот? Доволен е само еден поглед за повторно да ја пронајдете среќата која може да се почувствува само преку човечки контакт.

М. С. | Црнобело