Астрологија според времето на раѓање

Како што секој ден во месецот има своја нумеролошка вибрација, така и секој час во денот има одредена астролошка фрекфенција која значително влијае на осцилациите на биоенегретското полнење. Ова е од посебно значење за часот на раѓање, ако знаеме дека влијанието на планетите се менува во кругот од 24 часа.

Имено не е сеедно дали сме родени наутро, на пладне, или доцна навечер. Некои свои постапки, стравови и расположенија ќе ги разбереме подобро ако ја знаеме нумеричката вибрација на часот на раѓање.

Кругот од 24 часа е поделен на шест нумерички дела. Првиот нумерички дел е помеѓу нула и четири часот, вториот помеѓу 4 и 8 часот, третиот помеѓу 8 и 12, четвртиот помеѓу 12 и 16, петтиот помеѓу 16 1 20 и шестиот –последниот помеѓу 20 и 24, односно 0 часот.

За родените помеѓу 0 и 4 часот
Вие сте со тивка и смирена природа. Сакате да сонувате и да градите кули во облаци. Имате бујна фантазија, но тешко се снаоѓате во светот на физичката реалност. Родени сте како фантазер и поет, па затоа луѓето не ве разбираат. По малку сте месечар и ветрушка, имате благородна душа.

За родените помеѓу 4 и 8 часот
Вие се одликувате со итрина и склад. Упорни сте и истрајни во своите работи, особено во практичните работи. Како малку кој се снаоѓате во светот на реалноста. Тежнеете на другите да им бидете пример, да се докажувате и потврдувате.

За родените помеѓу 8 и 12 часот
Вие сте суштество полно со верба, надеж и оптимизам. Ведри сте. Секаде зрачите со несебична љубов и магнетска топлина. Чувствителни сте и продуховени. Имате склоност кон уметноста и филозофијата, ве одликуваат доблести и таленти.

За родените помеѓу 12 и 16 часот
Ведри сте, живи, орни, полни со енергија. За вас се добри практичните работи. Добар говорник сте, математичар и физичар. Но, и добар писател само ако ја насочите својата енергија во тој правец. Вие сте личност која е сестрано надарена, во многу професии и занаети може успешно да ја изразите својата креативност.

За родените помеѓу 16 и 20 часот
Вие сте со немирен дух, скитник, малку нервозни и ветрушка. Движењата ви се динамични, зборовите општи и силни, бргу мислите и работите. Сакате што е можно повеќе од животот, го сакате животот во сите свои облици и видови. Често ги менувате одлуките и ставовите, во исто време работите по неколку работи. Кој не ве познава добро, би помислил дека сте брзоплети, но вие сте свесни за сè што работите.

За родените помеѓу 20 и 24 часот
Умерени сте, упорни и истрајни на сите полиња. Тежнеете кон тоа да доминирате над работите и ситуациите. Имате склоност кон филозофијата и книжевноста, рационални сте и продуховени. Магнетски делувате на опкружувањето, авторитет сте во семејството и друштвото, помеѓу пријателите и роднините. Малку делувате самоуверено, затоа што премногу вервате во себе, затоа што сте полни со самодоверба, со животна и креативна енергија.

Основни астролошки типови

Соларен тип
Тоа се родените помеѓу четири часот наутро и десет часот навечер. Карактеристики: ведри, живи, оптимистички расположени, рационални, практични, полни со светлост и животна енергија. Соларниот тип има нумеролоша вредност 1, 3, 5, 7 и 9. Ако сега ги собереме броевите во опсегот на соларниот тип, ќе го добиеме бројот 25, односно 2 + 5 = 7. Значи, 7, е бројот на соларниот тип.

Летен тип
Родените помеѓу 30 април и 31 октомври. Карактеристики: рационални, проактивни, практични, екстравагантни, урамнотежени, зимурливи. Летниот тип има нумеролошка вредност 5, 6, 7, 8, 9 и 1. Ако сега ги собереме броевите во летниот тип го добиваме бројот 9.

Лунарен тип
Родените помеѓу десет часот навечер и четири часот наутро. Карактеристики: тивки, благи, ненаметливи, малку меланхолични, песимистички расположени, родени фантазери и поети. Лунарниот тип има нумеролошка вредност 2, 4, 6 и 8. Ако ги собереме броевите во лунарниот тип 2+4+6+8=20, односно 2+0=2, што значи бројот 2 е бројот на лунарниот тип.

Зимски тип
Родените помеѓу 31 октомври и 30 април. Карактеристики: филозофи, медитативни, помалку практични, нервозни, подеднакво екстровертни и интровертни, лесно поднесуваат студ. Ако ги собереме броевите во зимскиот тип, ќе го добиеме бројот 6.