Секој го добива она што го заслужува

Повозрасна жена од околу 50 години, влегла во авионот со кој требало да патува и забележала дека местото на коешто треба да седне е покрај некој Афроамериканец. Видно вознемирена ја повикала стјуардесата.

Стјуардесата: „Во што е проблемот, госпоѓо?“

Жената: „Зарем не гледате? Сте ме сместил покрај црнец! Незамисливо е јас да седам покрај еден од тие...одвратни луѓе! Најдете ми друго место, ве молам!“

Стјуардесата: „Мислам дека сите места се зафатени, но ќе проверам дали има некое слободно место“.

По неколку минути се вратила стјуардесата и соопштила:

„Госпоѓо, во економската класа нема место. Имаме само уште едно место во прва класа“.

Пред и воопшто да успее жената да каже нешто, стјуардесата продолжила:

„Во нашата авиокомпанија е недопустливо патник од економска класа да патува во првата класа. Но, исто така, би било скандалозно да принудиме некој да седи покрај личност која е под сите нивоа“.

Потоа се завртела кон Афроамериканецот и му се обратила:

„Господине, ако сакате, земете го Вашиот рачен багаж и повелете, преместете се во првата класа“.

Патниците кои го слушале овој разговор спонтано почнале да ракоплескаат.

Затоа, не судете никому, бидете луѓе и сакајте ги сите луѓе, без предрасуди!