Дали и вие...?

Овие факти ни ги испрати еден наш читател. Сигурни сме дека ќе се пронајдете во голем дел од нив. Ако се сетите на уште нешто слично, слободно пишете.

- Дали и Вие, го уклучувате компјутерот со нога? Со палецот од ногата?

- Дали и Вие, кога сте биле деца преку зима се спуштавте по стрмните лизгалишта со најлонски вреќи?

- Дали и Вие, кога сте биле деца имавте од зимските ракавици само со палец?

- Дали и Вие, го oблизнувате капачето од јoгуртот?

- Дали и Вас, ве чешало челото од капата?

- Дали и Вие, кога бевте деца, носевте леб од продавница до дома, и тоа пола изеден?

- Дали и Вие, кога бевте малечки дечиња си правевте шатори во собата, од столчиња и ќебиња?

- Дали и Вие, како деца се провлекувавте во јорганскиот чаршав?

- Дали и Вие, оставате алишта на стол кога ве мрзи да ги закачите во ормар?

- Дали и Вие, со мобилниот го осветлувате патот до креветот кога навечер одите на спиење и го изгасите светлото?

- Дали и Вие читате само Црнобело?

- Дали и Вие по десет пати ги читате убавите и пријатни СМС пораки?

- Дали и Вие носите часовник на рака поради шема, а кога ќе ве прашаат колку е часот, сепак погледнувате на мобилниот?

- Дали и Вие, кога сте во ВЦ од досада ги читате етикетите на шампоните и останатите тоалетни средства, и тоа прво на македонски па после и на другите јазици?

- Дали и Вие, како деца, додека се бањавте во када си правевте фризури од пената?

- Дали и Вие, седејќи на часот по математика, сте размислувале дали некогаш во животот ќе ви притребаат синус и косинус?

- Дали и Вие си го снимавте вашиот глас на касетофонска лента, и после го преслушувавте со чудење како гласот ви е грозен и не личи на Вашиот?

-Дали и Вие се смешкате, додека ги читате овие прашања и одговори, и се препознавте себеси?

Му благодариме на Филип Бегоски за испратената статија.