Мудра приказна: Златна свадба

Дошол денот за прослава на златната свадба, цели 50 години брак. Стариот брачен пар имал полни раце работа со големиот број гости коидошле да им честитаат.

Неизмерно им годело кога приквечер конечно останале сами пред куќата, набљудувајќи го заоѓањето на сонцето и уживајќи во одморот по напорниот ден.

Старецот нежно ја погледнал својата жена и ѝ рекол:

„Драга, се гордеам со тебе!“

„Што рече?“ прашала таа. „Знаеш дека сум малку наглува. Зборувај погласно.“

„Реков дека сум горд на тебе!“

„Не грижи се“, возвратила жената, полна со разбирање во гласот, „И јас сум по малку уморна од тебе.“

***

Совршено слушање е кога некој подобро се слуша себе си отколку другите. Совршен вид е кога некој подобро се гледа себе си отколку другите.

Затоа што не можеме да ги разбереме другите ако не се разбираме себе си, и не може да се согледа реалноста на другите, ако претходно не ја согледаме сопственоста. Оној кој навистина умее да слуша, ќе те слушне и кога ништо не зборуваш...