Крај за Очајни домаќинки

Почетокот на крајот на серијата „Очајни домаќинки“  беше означен на прес конференцијата каде ѕвездите за последен пат се сретнаа со претставниците...

... на медиумите. „Ова е како да ве погребаат пред да умрете“ – изјавила Фелисити Хофман (Линет).

На конференцијата се појавиле креаторот на серијата – Марк Шери, продуцентот Боб Дејли како и актерите Марша Крос (Бри), Ева Лонгорија (Габриел), Џејмс Дентон (Мајк), Ванеса Вилијамс (Рене), Рикардо Антонио Чавира (Карлос), Даг Савант (Том) и Тери Хачер (Сузан).

„Луѓето ме прашуваат дали е ова горко чувство. Не, слатко е. Не постои работа која трае вечно. Сценариото за серијата настана кога имав долг од 100.000 долари кон мајка ми, кога 3 години немав дадено ниту едно интервју и сите мислеа дека мојата кариера е готова. Верував во Очајни домаќинки и знаев дека луѓето ќе ги сакаат“, изјавил Марк Шери со ветување до фановите дека ова не е навистина крај.

„Никогаш нема да ги пратам девојките во Дубаи“ – рекол Шери, алудирајќи на филмот за серијата Сексот и градот кој помина неславно. „Завршивме. Среќен сум заради тоа. Многу сум задоволен за она што го остваривме“ – порачува креаторот на серијата.