Подгответе: Чоколадна лава (топло - ладно)

Во овие студени денови затоплете се со добро познатото колаче чоколадна лава, направено во домашни услови.

Сè што треба да направите е да одвоите 15 минути, бидејќи овој рецепт е поедноставен од што мислевте.

За тврдо колаче со течна внатрешност потребно ви е:

- 100гр. Темно чоколадо
- 100гр. Путер
- 100гр. Шеќер во прав
- 50гр. Брашно
- 3 јајца
- (сладолед од ванила, по желба)

Темното чоколадо и путерот се топат во сад, на пареа. Постепено се додава прво шеќерот, а потоа брашното. Добро разматените јајца се додаваат во целосната смеса, заедно со рендана кора од лимон или портокал, по желба.

Смесата се става во калапи или шолји за млеко, премачкани со зејтин или путер. Колачињата се печат помалку од 10 минути, на 200 Целзиусови степени. Декорирајте со шеќер во прав или овошје по желба. Најхрабрите може да го комбинираат и со сладолед.

Изненадете ги своите најблиски со вкусна чоколадна лава и уживајте!