Вака изгледа вистинскиот дом на Барби (фото)

Куќата на Барби, која е копија на добро познатата женска играчка ширум светот, во природна големина, отворена е во гратчето Санрајз, Флорида.

Куќата од женските фантазии е изградена за помалку од една година, а потребни биле дури 10 килограми сјај и повеќе од 380 литри розова боја. Куќата се простира на 3.500 метри квадратни и е направена исклучиво од пластика.

Во розовата куќа се наоѓаат многу сувенири во кои спаѓаат над 350 Барби кукли, меѓу кои се нејзините пријатели, семејство и секако, саканиот Кен.

Сите девојки кои досега се прашуваа како живее Барби, сега конечно може тоа да го погледнат и доживеат барем на неколку часа.

Исто така, родителите на своите мали принцези може да им направат совршено роденденско изненадување, кое вклучува и посета на фризер и шминкер , како и посебна розова гардероба.