Биди фит: Најдобрите фитнес блогови за инспирација

Знаете дека за вашето здравје е важен начинот на живот, исхраната и вежбите. За да бидете во топ форма потребно е да применувате некои здрави навики. Доколку ви е потребна мотивација на интернет може да најдете мноштво интересни фитнес блогови.

Како насока и помош во потрагата, ова се најдобрите 5 фитнес блогови кои ќе ве мотивираат.

Карена и Катерина се авторки на блогот „Tone it up“ кои го започнале со надеж да инспирираат и други луѓе за да водат здрав начин на живот, вежбање и исполнување на своите цели. Тие две се најдобри другарки кои живеат во Калифорнија и имаат ист интерес за фитнесот.

Лидија Елиза Милен е авторка на блог на кој може да најдете сè она што ве интересира за здравиот живот, вежбањето и водењето сметка за исхраната. Таа одлучила на својот блог да сподели сè што научила за вежбањето и нутриционизмот. На нејзиниот блог ќе пронајдете многу интересни рецепти и совети за вежбање.

Џесика Сепел е позната австралиска нутриционистка, поборник за здрав начин на живот и велнес трнер. На нејзиниот блог може да најдете интересни рецепти, психолошки совети, но и примери за вежби. Доколку ве интересира нешто за здравиот начин на живот и исхраната може да пронајдете кај неа.

Симпли Таралин е позната по здравиот начин на живот и желбата за слабеење. Од таа причина почнала да води и свој блог на кој освен за фитнес, пишува и за мода, храна и патувања.

Лорин Евартс е авторка на блогот „The Skinny Confidential“, која доаѓа од Сан Диего. На нејзиниот блог може да пронајдете најинтересни совети за фитнесот, а по големата популарност која ја доживеал нејзиниот блог, Лорин издала и книга.

Кој фитнес блог го следите вие?