Секс без љубов и обратно?

Постои ли секс без љубов? Секако дека постои! Секогаш им е полесно на мажите отколку на жените, да се препуштат на физичкото задоволство...

...и при тоа да не се оптоваруваат со чувствата. Кај жените, меѓутоа е поизразена склоноста секое пријатно задоволство да го поврзуваат со емоции. Сексуалното задоволство е првиот човеков инстинкт.

Имајте на ум дека и ден денес во Африка постојат племиња кои практикуваат секаков вид слободен секс. Кај некои дури постојат и т.н. куќи за млади, каде тие пред стапување во брак слободно им се препуштаат на телесните уживања и експериментираат без емотивни стеги.

Како стоиме со љубовта без секс? Во тој случај зборуваме за платонска љубов, во која партнерите имаат длабоки чувства еден кон друг, но не практикуваат секс. Таквата љубов е можна само помеѓу адолесценти, додека кај повозрасните, сексуално зрелите личности, осудена е на пропаст.

Љубовта е коктел за кој се неопходни три состојки: интимност, задоволство и тежнеење кон заеднички цели. Таа не е потполна доколку и недостасува една од трите состојки.

Секако, љубов без секс е можна кај некои религиозни личности, а во некои средини и ден денес постојат парови кои што избегнуваат секакво телесно уживање и тоа не само пред стапување во брак. За исправноста на оваа постапка сами донесете одлука кога ќе го лоцирате своето место на скалата за љубов и секс.