Смарагдно зелена - боја на оваа зима

Смарагдно зелената е прогласена за најмодерна боја за претстојната 2013 година, па зошто да не ја завршите старата и започнете новата година токму во тие нијанси.

Одберете неколку интересни парчиња аксесоари во овие нијанси на зелената, без разлика дали се работи за интересен накит, шал или чанта во оваа боја.

Комбинирајте ги со неутрални тонови, како и со незаменливата црна. Одлично изгледа и доколку ја споите и со тонови приближно посветли или потемни од нијансата која сте ја одбрале.

Посебно интересно изгледаат зимските фустани и туники во смарагдно зелената заедно со високи потпетици или чизми, црно сако или капут и сребрени детали.

Одберете малку поелегантен фустан или кошула доколку сакате на самиот дочек на новата 2013та година на бидете забележани и уникатни.

Ви нудиме неколку секојдневни, како и елегантни комбинации кои можете да ги направите со само едно парче облека во тоновите на смарагдно зелената.