3 тренди плетенки кои можете да ги направите сами

Плетенката е една од најстарите фризури која може да се прави во стотици варијанти и може да ја носат и стари и млади.

Но, како што се менуваат трендовите, се менува и овој начин на обликување на косата, па така класичната плетенка добива нови, интересни форми.

Ако сакате и вие да ја испробате оваа без временска фризура, ви нудиме упатство како да ги направите трите најпопуларни плетенки.

1. Класична плетенка

- поделете ја косата на три дела, во еднакви прамени – А,B и C.

- префрлете го праменот А преку праменот B

- префрлете го праменот C преку праменот А

- праменот B префрлете го преку праменот C

- повторувајте ја постапката се додека плетенката не биде готова, а на крајот затегнете со ластиче.

2. Плетенка „Рибја коска“

- врзете ја косата во ниско коњско опавче

- поделете го на два дела

- од левата половина на косата извлечете тенок прамен и префрлете го во десната половина на косата и убаво затегнете.

- од десната половина на косата извлечете тенок прамен и префрлете го на левата половина и затегнете.

- повторувајте ја постапката додека плетенката не е целосно завршена, а потоа исечете го ластичето со кое е врзана вашата коса во реп и прицврстете ја доле со ново.

3. Плетенка „Јаже“

- поделете ја косата на два дела

- двата дела на косата смотајте ги цвртсо, спирално, додека праменот не стане рамен и тврд. Ако ви е полесно врзете го секој дел одделно со ластиче.

- со спирални движења мотајте ги прамените еден преку друг се до крајот на косата и прицврстете со ластиче.