Трикови за брзо и лесно виткање на косата

За да имате бујна и виткана коса не ви требаат витлери, пегли ниту пак фигаро. Сè што ви е потребно се неколку едноставни трикови и чекори кои ќе ве доведат до совршена неодолива коса за само неколку минути.

Дамите кои се љубителки на локните повеќе нема да треба да се справуваат со разни пени и средства за извиткување на влакното. Откријте ја едноставната техника на совршените локни.

Направете свој летен спреј за коса

Измешајте 2 шолји топла вода, 1 лажичка морска сол, 1 лажица кокосово масло и 1 лажица гел за коса или балзам. Сите состојки ставете ги во пластично шише со распрскувач и добро промешајте. Нанесете на влажна коса, поделете на неколку прамени и со прстот направете крукчиња кои ќе ги прицврстите со шноли на коренот на косата. Оставете да се исушат и пуштете ги локните.

Дефинирајте ги локните

Откако ќе го направите овој мал трик дефинирајте ги локните со малку спреј за зацврстување. Погрижете се секој прамен да добие идентична форма и цврстина.

Или пак спроведете го трикот со трака за коса

На исчешлана и влажна коса ставете еластична трака. Прамен по прамен виткајте го околу траката која ќе биде високо поставена, додека не дојдете до крајот кој ќе го зацврстите со шноличка. Оставете ја косата да се исуши, а пото симнете ја траката. Внимавајте, пред да ја пуштите косата мора да биде целосно исушена за да ја задржи својата форма.