Туристички навики

Истражување за навиките на туристите спроведено во 21 држава покажа дека 68% од луѓето не сакаат да влезат во вода бидејќи се плашат од ајкули...

...како и дека Германците уживаат да се шетаат голи.

15% од Германците потврдиле дека одат на нудистички плажи, за разлика од само 2% од изненадувачки срамежливите Британци.

Британците се најорганизирани, дури 35% од нив патувањето го планираат цели 6 месеци однапред, а по нив се туристите од Канада и Холандија. Тоа веројатно е поврзано со лошата клима, па не нѐ чуди што цело време мечтаат каде ќе побегнат за одмор. Затоа пак, најголем дел од Французите, Италијанците и Шпанците за летување одлучуваат во последен момент.

Во овој период на глобална економска криза, ниските цени им се најважни на Британците: факторот евтино има предност над факторот сончево за 67% од британските туристи, над квалитетот на плажите за 66%, над квалитетот на храната за 62% и над прашањето дали има ајкули за 40% од нив.

Британците и Французите одморот си го сфаќаат буквално и според одговорите нивна омилена активност е „да не прават ништо“, додека 82% од Германците на прво место го ставаат пливањето.

Во текот на годината Британците често одат на викенд-прошетки во континентална Европа, ама затоа нивниот летен одмор во просек е 20% пократок отколку одморот на Германците и 15% пократок од просечното летување на Французите.

На реклами веќе видовме какви домаќини се Македонците, па сега кажете ни какви сме како туристи? :)