Магијата на Мајорка - волшебно убавиот шпански остров

Некои го знаат како најубавиот остров од Балеарскиот архипелаг, некои како местото каде туристите можат да уживаат во топлата клима 300 денови...

...во годината, некои како домот на Рафаел Надал...

Но, Мајорка е многу повеќе од тоа. Овој волшебен рајски остров нуди прекрасни бели песочни плажи, преубави пејзажи, весел ноќен живот – од сè по нешто за сите возрасти.

Должината на островот е 97 километри. Со својот карактер и шарм секоја година привлекува милиони туристи.

За оние кои сакаат да се „печат“ на сонце по 12 часови дневно на златни плажи и да се капат во кристално чиста вода, дефинитивно нема да се разочараат од Мајорка.

Планини, пештери, марини, игралишта за голф, нуркање, забави на брод, аква паркови и аквариуми се дел од убавините кои треба да се искусат на овој остров.

Во најубави плажи се споменуваат: Палма Нова, Санта Понса, Солер, Валдемоса, Алкудија, Кала Д’Oр, Кала Фалко, Камп де Мар...

Ако барате денски забави на плажи, одберете го Магалуф или Ел Аренал. Овие се најживите места и во ноќните часови.

Најубав бар на плажа е новоотворениот Ники Бич Бар на Calvia Beach.

Мајорка никого не остава рамнодушен.