Историски успех за македонскиот спорт

На отвореното меѓународно првенство по бразилско џиу џицу во Хрватска, борците од спортскиот клуб за бразилско џиу џицу „Карлос Маја“ постигнаа...

...историски успех. За прв пат Македонија се закити со златен медал во овој релативно млад спорт.

Ова првенство е најпрестижниот турнир во Југоисточна Европа, a во него секоја година учествуваат преку 200 натпреварувачи од 12 земји.

Најзаслужен за овој успех е Александар Јовановски. Тој ефикасно ги совлада сите негови противници, меѓу кои се наоѓаше и шампионот на Хрватска. Со целосна доминација овој млад 22-годишен борец ги надмина постарите и поискусните натпреварувачи за заслужно да се најде на врвот. Покрај Александар, бронзени медали освоија Мартин Михајлов и Јордан Христовски.

Со бразилското џиу џицу учите како да го контролирате противникот преку изместување од рамнотежа, заклучувања, добар тајминг и создавање на ситуации кои го искористуваат нерамномерното користење на силата. Според учењето на овој спорт, помалиот и физички послаб противник е способен да издвојува победа врз посилниот со вистинската тактика и примена на најдобрата техника.

После успесите во Бугарија, Србија, Словенија и Австрија, момците од „Карлос Маја“ продолжуваат понатаму. Следен чекор е учество на меѓународното првенство во Италија, а полека, но сигурно се припремаат и за неминовното Европско првенство кое ќе се случи на крајот од годината. 

Следете ги на Facebook.
http://www.facebook.com/graciebarramk