Пиво за здрав живот

Не дека ни недостасуваат причини да се напиеме пиво, ама доаѓа лето и фино е да се потсетиме на корисните состојки за потоа безгрижно да си ја...

...гасиме жедта со грч ладно пивце.

Пивото е одлично за нашето тело, особено во услови на поголемо напрегање, а тоа го докажа истражувањето во кое учествуваа околу 300 маратонци поделени во две групи.

Оние од групата која не пиела пиво дури три пати почесто добивале респираторни инфекции и имале за 30% повеќе воспаление на мускулите од учесниците кои пиеле безалкохолно пиво секој ден, три недели пред и две по Минхенскиот маратон.

Умереноста е на прво место - маратонците пиеле меѓу 1 и 1,5 литри на ден, а нивните тела подобро го поднеле интензивното вежбање поради полифенолите во пивото, вид антиоксиданси што го регулираат имунитетот и ја спречуваат појавата на воспаленија.

Не само што полифенолите во пивото се поефикасни од оние во овошјето и зеленчукот, туку и стандардното алкохолно пиво има двојно повеќе полифеноли од безалкохолната варијанта, па вашиот организам ќе ви биде благодарен и по само половина литар.

Не се мислете многу и нарачајте си голема кригла :)