10 нови здрави навики во исхраната

Во денешно време кога сите некаде брзаме, не стигнуваме мирно да изедеме нормален оброк ниту да се погрижиме тој да биде здрав. Тоа, секако многу...

...му штети на организмот.

Професорот Kristof Bamberger предлага десет правила кои ќе ја олеснат здравата исхрана, а истовремено ќе осигурат доволен внос на антиоксиданси и растителни влакна во организмот, како и минимален внос на животински маснотии.

1. Главните оброци и меѓу оброци секогаш земајте ги од прилика во исто време. Потрудете се секој ден да појадувате околу 7 , да ручате околу 13, а да вечерате околу 19 часот. Првиот меѓу оброк (да речеме јаболко) земете го во 10, а вториот (јогурт) околу 16 часот.

2. Појадокот би требало да се состои од повеќе намирници. Најдобра комбинација се мусли со овошје и обрано млеко или леб од интегрално брашно со мед, мармалад или свежо сирење и патлиџан. Класичниот појадок, според макробиотската исхрана, вклучува мисо супа. Каша од житарици и шолја чај.

3. Идеален меѓу оброк е свежо сезонско овошје од нашето поднебје. На пролет одберете јагоди, малини или цреши, а сливи, круши и грозје во есен. Тоа е подобар избор од некое егзотично овошје од друг крај на светот.

4. Ако сакате да јадете во ресторани, наместо пица порачајте јадење со зеленчук.

5. Надополнете го топлото јадење со салата, а мрсниот прелив заменете го со маслиново масло и јаболков оцет.

6. Наместо десерт или колачи, на крајот од оброкот напијте се кафе бидејќи го поттикнува варењето, за разлика од чајот.

7. Иако не се забранети намирници како што е месото, виршлите или слатките, на вашата трпеза не би смееле да бидат почесто од два пати во седмицата, бидејќи не се добри за варењето. 

8. Два пати во седмицата за вечера јадете само варен зеленчук (или салата, ако добро поднесувате сирова храна навечер), помало парче посно сирење и напијте се малку вино.

9. Во текот на целиот ден пијте ниско калорични или не калорични пијалаци, негазирана вода или зелен чај.

10. Доколку сакате вино или пиво, еднаш во текот на денот можете да се почестите со чаша од омилениот пијалак.