Ако откажувањето на цигарите е вашата новогодишна желба: 5 намирници кои ќе ви помогнат

Прва работа од која се плашите кога ќе престанете да пушите е дека одеднаш ќе се здебелите. Неретко една лоша навика ја заменуваме со друга, без да знаеме дека храната може да биде наш најголем сојузник во оваа борба со никотинот.

1. Ако пред цигарата испиете млеко или каснете малку морков или целер, цигарата ќе има поинаков и непријатен вкус и мирис. На тој начин сигурно ќе се откажете или барем ќе ја одложите за малку подоцна.

2. Јадењето на овошје богато со витамин Ц како портокал, лимон или грејпфрут ја намалува потребата за цигари.

3. Солената храна ја намалува потребата за никотин. Кога ќе почувствувате потреба за цигара, наместо да запалите обидете се да каснете нешто солено како на пример кисела краставичка или пиперка.

4. Често џвакајте мастика. Кога устата ви е постојано активна, нема да имате толкава потреба за цигара.

5. Дури и мирисот на сувото овошје ви помага да ја намалите желбата за никотин. Грицкајте суво овошје во умерени количини за да си го олесните процесот на откажување.

Имате уште некој трик за успешно оставање на цигарите?