Природна аптека во вашиот двор: 5 Билки за здрав живот


Природна аптека во вашиот двор: 5 Билки за здрав живот

Овие 5 билки не бараат премногу простор, па така доколку немате двор секогаш можете да си набавите поголеми саксии и истите да ги посадите на вашата тераса.

prirodna-apteka-vo-vasiot-dvor-5-bilki-za-zdrav-zivot-1

Направете си мини аптека во вашиот зелен простор и добијте огромна корист за вас и вашето семејство со овие билки:

1. Невен

prirodna-apteka-vo-vasiot-dvor-5-bilki-za-zdrav-zivot-2

Каде и да го посадите, невенот ќе биде прекрасен украс благодарение на неговите жолти цветови, кои ќе ја красат вашата градина од јуни па сѐ до првите мразови.

Жолтите цветови на невенот ќе ви дадат и најточна временска прогноза: ако цветовите се затворени и после 7 часот наутро, тогаш тој ден ќе врне дожд.

Од невенот можете да си подготвите чај кој го зајакнува имунитетот, го смирува желудникот и цревата. Оваа билка е одличен сојузник во борбата против разни воспаленија и ја регулира менструацијата.


2. Лаванда 

prirodna-apteka-vo-vasiot-dvor-5-bilki-za-zdrav-zivot-3

Лавандата ги одбива разните инсекти и ја спречува појавата на мравки околу останатите растенија. Цветовите се берат пред целосно да се отворат и да расцутат, а потоа се сушат и од нив се прави чај, кој се користи против мигрена, несоница и при стрес.


3. Жалфија

prirodna-apteka-vo-vasiot-dvor-5-bilki-za-zdrav-zivot-4

Жалфијата се бере кога никнуваат првите млади израстоци и листови, кои треба да се остават во ладовина и да се исушат.

Чајот од жалфија се подготвува на тој начин што се става во непокриено тенџерче да врие 3 минути. Таа веднаш делува лековито врз воспаление на грло, отежнато дишење и при болки во стомакот.


4. Мајчина душица

prirodna-apteka-vo-vasiot-dvor-5-bilki-za-zdrav-zivot-5

Станува збор за растение кое расте во вид на мала грмушка со виолетово-црвени цветови и силен мирис. Чајот од мајчина душица одлично делува против воспаленија на дишните органи како и при кашлица. Доколку имате нередовен циклус тогаш пијте еднаш дневно чај од сушена камилица.


5. Нане

prirodna-apteka-vo-vasiot-dvor-5-bilki-za-zdrav-zivot-7

Нането се одликува со силен мирис кој разладува и инстантно го олеснува дишењето. Листовите на нането се берат пред тоа да расцути, а делува против менструални болки, грчеви во стомакот, слабо варење на храната и при тешкотии со дишењето.

Иако чајот од нането е многу популарен и делува освежувачки, сепак треба да внимавате, бидејќи преголемата количина делува лошо врз срцето.

Би можело да ве интересира:

Цвеќиња со најубав мирис за вашата градина Овие цвеќиња ќе ви помогнат покрај боја, да додадете и неодоливи мириси во вашат...
5 собни билки кои го разладуваат домот во тек на летото Новото годишно време е на прагот, а со него пристигнуваат и неизбежните високи т...
Прекрасни црни цвеќиња што ќе додадат драма во вашата градина Дали некогаш сте помислиле да додадете малку драма во вашата градина со додавање...