На гости кај Иџе: Стан во „Аеродром“ со големи прозорци, поглед на Вардар и тиркизни детали

Можеби најспецифичната работа поврзана со домот е бојата.

Кај нас доминира тиркизната боја. Тоа е моја боја - едноставно се вклопи многу убаво во станот и му дава свежина на просторот.

Јас сакам убави, весели бои, комбинација од тиркиз со розова, свежи бои кои даваат чувство на опуштеност.

А бидејќи патуваме многу, и приватно и поради трките, се трудиме од секоја држава да купиме некој сувенир, детаљ, нешто што ќе се вклопи во домот.

Соба за трофеи во домот немам, иако има соба за трофеи кај што ни е канцеларијата, и татко ми е задолжен за нивно чување.

Дома имам само неколку трофеи, бидејќи не сакам кога сум дома да се оптоварувам со работата.

За децата имаме посебни соби во станот.

Синот Олег го преокупираат компјутери, оди во Академија за дизајн, па така и неговата соба е уредена во тој стил.

Ќерката Нина, пак, оди на балет и одбојка, а во нејзината соба доминираат работи поврзани токму со овие две активности.

Но, многу ме радува што се уредни и двајцата и што собите им се секогаш средени“.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело