На гости кај Маја Гугоска: Совршено уредена тераса во семејна куќа во Охрид (фото)

Детали

сабота, 01 август 2020

Во лето ја уредува терасата во бохо стил, а во зима терасата на Маја е како сцена од божиќна бајка со многу сијалички.

Маја Гугоска (36) од Охрид е сопруга и мајка на две деца. Таа дефинитивно има една од најсимпатично уредените тераси во Македонија.

Секој детаљ е внимателно избран и сѐ e на свое место. Maлиот простор е одлично искористен.

Околу инспирацијата за уредувањето проговоривме со неа:

„Мојата сегашна професија е тотална спротивност на љубовта кон уредувањето и изработувањето на креативни украси. Работам како администратор во приватна фирма за хидраулика.

Отсекогаш сум сакала убаво уредени домови и дворови. Обожавам зеленило, цвеќиња, особено кактуси од кои мала колекција ми е и на терасата.

Живееме во семејна куќа на поткровје и токму таму е терасата.

Во недостиг на двор, одлучив малечката таванска тераса да ја уредам за уживање. Не е простор кој не се користи во зима, напротив отворена е секоја сезона, а можеби најмногу доаѓа до израз баш за Божиќните празници со сета таа магија со сијалички и украси.

Често сакам да си играм, да разместувам, да додавам разни DIY’s инспирирана од Pinterest или едноставно  ќе ми „светнe“ некоја идеја.

Секоја сезона има различни детали, од перничиња, украси, цвеќиња, моите DIY изработки, но мислам дека би ја издвоила летната сезона со бохо изгледот на мојата тераса како омилена.

Продолжува на следната страна....