Диета која ќе ви помогне да ја победите кандидата

Недостакот на концентрација, главоболки, алергија на некоја храна, хроничниот замор како и проблемите со менструалниот циклус упатуваат на прекумерна застапеност на кандида во вашиот организам.

Доколку веќе сте имале искуство со оваа инфекција, сигурно ги знаете сите потешкотии кои се поврзани со нејзиното лекување. Освен тоа, лошото кај оваа инфекција е што тешко се искоренува и по одреден период може повторно да се појави.

Затоа обрнете внимание на храната која треба да ја консумирате, но и онаа храна на која мора да заборавите одреден период додека не се излекувате.

Одреден период не консумирајте храна која во себе содржи шеќер, бидејќи кандидата полесно се појавува и се задржува во организмот преку шеќерот кој го употребувате во секојдневието.

Пекарските производи исто така не се ваша страна овој пат и нив треба да ги избришете од вашата секојдневна исхрана.

Освен тоа, избегнувајте го прекумерното консумирање на кафето и црниот чај кои воопшто не се добри за вас доколку боледувате од кандидата.

Храната која морате да ја консумирате во периодот на вашето лекување се состои од многу зеленчук. Различните салати, лукот, кромидот и соковите од зеленчук без шеќер се одличен лек за кандидата.

Потоа, наместо чаша вода, освежете се со чаша цеден лимон и заборавете на другите диети, па започнете со консумирање на месо.

Она што се препорачува, а не смеете да го заборавите е секојдневно консумирање на јогурт. Се мисли на обичен јогурт, не овошен. Јогуртот има лековит ефект кон кандидата и за значително кратко време може да ја излекува.

Овој тип на диета значително може да ја промени вашата здравствена ситуација, но само додека се држите до неа.

Доколку не сте сигурни дали имате кандида направете го овој брз и едноставен тест: 

Пред спиење, наполнете чаша вода и оставете ја цела ноќ во близина на креветот. Утрото кога ќе се разбудите првото што треба да го направите е да исфрлите плунка од устата директно во чашата.

Почекајте некое време, а потоа погледнете убаво во чашата.

Доколку вашата плунка е на површината на водата, тогаш со вас сѐ е во ред, но доколку водата станува матна или плунката оди во надолна линија тогаш имате кандида.

Во тој случај најдобро би било да се консултирате со вашиот доктор.

Какво искуство имате вие со кандидата?