Браво: Изведбата на „Елено ќерко“ на малиот Ајдин од Босна ќе ве наежи (видео)

Детали

четврток, 22 февруари 2024

Ајдин од Босна и Херцеговина ќе ве освои со својот нежен и ѕвонлив глас, а неговата изведба на „Елено ќерко“ долго ќе ве наежи. Слушнете како звучи познатата македонска песна во изведба на ова талентирано 12-годишно момче.

Младиот Ајдин Османиќ (12) брзо ги освои симпатиите на македонската публика благодарение на неговите феноменални изведби на познатите македонски песни заедно со неговиот учител Јасмин Брашнјиќ.

Учителот Јасмин редовно објавува видеа на кои малиот Ајдин пее голем број познати песни, меѓу кои босански севдалинки и македонски песни, а последното видео во кое детето од Сребреник ја изведува песната „Елено ќерко“ брзо ја освои балканската публика.

Ајдин е роден во 2011-та година во Тузла, а живее во село во близина на Сребреник. Тој е ученик во осмо одделение, а паралелно го посетува основното музичко училиште во Сребреник.

Неговиот учител Јасмин вели дека Ајдин е талент каков што се раѓа еднаш на 100 години.

Погледнете како звучи „Елено ќерко“ во изведба на Јасмин:

Б. С. Б. | Црнобело