Нов, поинаков Шпаркасе кеш кредит

Детали

петок, 18 мај 2012

Шпаркасе банка воведе нов вид ненаменски потрошувачки кредит кој нуди можност за поинаков начин на пресметување на каматната стапка. Новиот...

...кеш кредит им овозможува на корисниците  намалување на каматата преку користење на дополнителни производи на банката, Мастеркард картичка, пречекорување на лимитот на трансакциската сметка и е-банкарство.

На овој начин, корисникот сам ја прилагодува каматната стапка според своите потреби, во зависност од тоа кој производ ќе го одбере.

ШПАРКАСЕ КЕШ КРЕДИТОТ има фиксна каматна стапка за првите 2 години, максимален рок на отплата е 84 месеци, додека задолжително обезбедување е бескаматен депозит во висина од 30% од кредитот. Жиранти се обезбедуваат во зависност од износот на кредитот: до 300.000,00мкд без жиранти, од 300.001,00мкд – 450.000,00мкд еден жирант и од 450.001,00мкд – 600.000,00мкд  двајца жиранти.

“Со својот нов производ, Шпаркасе банка уште еднаш ја потврдува својата примарна определба да понуди атрактивни и издржливи решенија за финансиските потреби на своите и потенцијалните клиенти. Кеш кредитот е поинаков и атрактивен и по начинот на кој го промовираме: забавен, неконзервативен и неконвенционален во банкарската комуникација” -  вели Кристина Депо, одговорна за Маркетинг и комуникации во Банката.

Повеќе информации за условите на кредитот можат да се добијат во експозитурите на Шпаркасе Банка како и на нејзината веб страна.