Дечко од Битола романтично ја запроси саканата, со која се неразделни од забавиште: „Ја сакав потајно цел живот“

Детали

петок, 16 септември 2022

Со специјална декорација во вила во Охрид и три девојки кои ја изведуваат песната „Perfect“ на виолини, посветена на неа, Илче ја запроси саканата, за која вели: „Анита освен што ја сакав потајно цел мој живот, таа е сè што сакав, сакам и ќе сакам цел мој живот... Ми го сврте светот наопаку.“

Илче од Битола ја запроси својата сакана Анита на романтичен начин по поминати 27 години заедно млади, диви и слободни, и тоа почнувајќи од забавиште, основно, средно училиште, каде делеле и школска клупа, па сè до студии и потоа во еден миг сета дружба преминала во љубов.

Анита, која исто така е од Битола, има сопствен бизнис и е управител на студио за убавина, а Илче е познат close protection (телохранител) на политичари и бизнис луѓе. 

За саканата Анита и целата организација околу запрoсувањето, Илче открива за CRNOBELO.com:

„Анита освен што ја сакав потајно цел мој живот, таа е сè што сакав, сакам и ќе сакам, љубовта е сè што ми треба и ја најдов токму во нејзиното срце. Среќен сум што секоја моја наша замисла стана реалност.

Токму затоа и на запросувањето ѝ ја посветив песната „Perfect“.

За организацијата и реализацијата ми помогна нејзината сестра близначка, која најдобро ја познава.

Во кутијата имаше 7 прстени избрани внимателно еден по еден, со различен дизајн и изработка, а се токму толку затоа што бројот 7 ми носи среќа, а и нејзиниот вкус е многу истанчен, па сакав да има доволно опции за да го направи најдобриот избор.

Одлучивме да биде во една раскошна вила во Охрид, а покрај декорацијата имаше и три девојки, задолжени за музиката, кои ја изведуваа песната „Perfect“ на виолини.

Анита знаеше дека одиме на забава на мој колега од Скопје, па во целиот хаос околу нејзините работни обврски, за среќа, не ме забележа додека организирав сè.

Кога веќе стигнавме пред вилата во Охрид ѝ ги затворив очите со црна лента, па сè до моментот на настанот јас ја водев и се движеше со мене.

Возбудата, еуфоријата и чувствата беа неповторливи...

Беше навистина изненадена, воопшто не очекувала и како момент што ќе се памети е што не се сеќава точно на мигот кога ја прашав „Дали ќе се омажиш за мене“, сè ѝ е во бунило и магла, но најважно е што ми кажа „да“ и од тој момент ми го сврте светот наопаку.“

Фотографии од запросувањето:

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело