Даниел Кајмакоски со емотивна порака до новата девојка: „Ти си сѐ она што некогаш сум го барал“
- Детали
- среда, 26 октомври 2022
„Ме туркаш да ги остварам сопствените соништа“ – ѝ порача Даниел Кајмакоски на својата нова мистериозна девојка. Дополнително, пејачот кој неодамна го прослави својот 39-ти роденден, сподели фотки од подарокот што го добил од девојката, во кој се вљубил на прв поглед.
Нашиот пејач Даниел Кајмакоски откако подолго време се повлече од јавноста во последниот период почна почесто да гостува во емисии во српските медиуми, каде говореше отворено за бракот и разводот со Кристина Димитри, а на социјалните мрежи, пак, редовно споделува фотографии со новата мистериозна девојка.
Засега не е познат идентитетот на мистериозната црнокоса девојка што успеа да му го украде срцето на некогашниот победник на X-фактор, но, по емотивните објави на социјалните мрежи може да се потврди дека пејачот во моментов навистина е среќен.
„Ти си сѐ она што некогаш сум го барал. Ти благодарам што ме туркаш кон тоа да ги остварам сопствените соништа секој ден“ – напиша до новите заеднички фотографии Даниел.
Во коментарите се огласи и мајката на Даниел, Ружа, која испрати повеќе емотикони со срциња и напиша кратко: „љубени мои“.
Инаку, Даниел кој неодамна го прослави својот 39-ти роденден се пофали дека добил прекрасен подарок од девојката, во кој се вљубил на прв поглед.
„Љубов на прв поглед. Добредојде во семејството мала Нера. Едно големо благодарам за мојата девојка која ме направи премногу среќен“ – напиша Даниел до фотографиите од малиот црн кокер шпаниел што го добил за подарок.
Уште неколку фотографии во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
