Трогателен статус на Тајзи: „Дечко сам си го истетовирал мојот лик, смета дека мојата песна го спасила во страшна сообраќајка“
- Детали
- понеделник, 28 ноември 2022
„Дечкото ми објасни дека имале страшна сообраќајна незгода, по која автомобилот завршил во отпад. На радио во тој момент одела мојата песна „Чувај ни га Боже“. Тој е убеден дека токму тоа ги спасило, почувствувале некоја чудна енергија...“, споделува Тајзи за средбата со негов фан, кој сега го истетовирал неговиот лик на себе, и тоа самиот.
фото: Инстаграм Тајзи
Драган Величковски, попознат под сценското име Tyzee (Тајзи) објави фотографија на која негов фан го има истетовирано неговиот лик на себе.
Но, зад овој потег тој открива многу емотивна приказна.
Објавата на Тајзи:
„Тетоважа со ликот на Тајзи и има приказна позади ова...
Еден дечко пред неколку години ми пиша пред концерт дали може да направиме муабет и испиеме еден пијалак.
Ми објасни дека имале страшна сообраќајна незгода, по која автомобилот завршил во отпад. Полицијата се чудела како е можно да нема повредени.
На радио во тој момент одела мојата песна „Чувај ни га Боже“... Тој е убеден дека токму тоа ги спасило, почувствувале некоја чудна енергија.
Му кажав Бог понекогаш дава втора шанса, сега имаш и мисија и почни да го работиш тоа што срцето навистина ти го сака.
Ме послушал, почнал да тетовира и да работи, па пред некое време ми ја прати сликава и ми кажа:
‘Ова е најмалку што можев да направам за тебе кралу.’
Сам себе се истетовирал во знак на почит кон моето дело. Солзите сами почнаа да течат.
Мојата музика не е само песна, туку многу повеќе од тоа. Јас не сум ѕвезда и никогаш не сум бил! Јас сум само сонце, кое грее души како што е оваа, и ги инспирира да станат најдобрата верзија од себе.
И не ми треба статуетки и награди, ова е мојата награда. Слава на Бога.“
Инаку, песната „Чувај ни га Боже“ Тајзи ја отпеа на кумановски дијалект во 2014 година и ја посвети на неговиот починат другар Гешо.
С. С. | Црнобело
Би можело да ве интересира:
Препорачуваме
Најчитани неделава
