Доналд Трамп, Бредли Купер - славни ѕвезди кои сте заборавиле дека се појавија во „Сексот и градот“ (фото)

Поминаа 16 години откако заврши една од најомилените серии на сите времиња, Сексот и градот, односно 22 години од премиерата на првата епизода. 

Навистина, помина многу време од авантурите на четирите сингл девојки во Њујорк – Кери, Саманта, Миранда и Шарлот.

Веднаш по серијата следуваа уште 2 филмски изданија, но се чини дека ништо не можеше да го замени шармот на шесте сезони и 94-те епизоди. 

Во серијата продефилираа и многу ѕвезди кои тогаш можеби и не беа толку славни, но денес се, меѓу кои и американскиот претседател Доналд Трамп.

Всушност, кои сè ѕвезди се појавија во Сексот и градот, а ние сме ги подзаборавиле?

Винс Вон

За време на патувањето во Лос Анџелес, Кери го запознава агентот Кит Траверс (Винс Вон), кој всушност ги одржува куќите на богатите и славните. Што нè носи до следната ѕвезда од истата епизода…

Кери Фишер

Фишер се „глуми“ самата себеси. Ѕвездата од Star Wars е лута затоа што нејзината „дадилка за домот“ спиела со Кери во нејзината куќа.

Метју МекКонахи

На истото фамозно патување во Лос Анџелес, Кери се среќава со Метју МекКонахи кој е заинтересиран да глуми во екранизираната верзија на нејзините колумни.

Сара Мишел Гелар

Гелар глуми застрашувачки јуниор агент од продукциската куќа која сака да ги претвори колумните на Кери во филм.

Бредли Купер

Во епизодата во којашто Кери излегува на насловната страница на списанието, го запознава Џејк (Бредли Купер) со кого сепак нема да има секс за една вечер.

Чандра Вилсон

Пред да стане огромна ѕвезда во серијата Grey's Anatomy, Чандра ќе се појави само неколку секунди во улогата на полицаец, во моментот додека Саманта ги лепи флаерите за Ричард кој ќе ја изневери.

Џон Бон Џови

Кери ќе го запознае Сет (Бон Џови) кај својот психотерапевт, пред да сфати дека и двајцата имаат сериозни проблеми што се однесува на љубовните врски.

Доналд Трамп

Американскиот претседател се појавува сосема накратко и во негов стил му одговара на соговорникот дека ќе биде во „Трамп кулата“.

Продолжува на следната страна...