Најновиот хит „Тома“ и уште 5 одлични српски филмови и серии на Драган Бјелогрлиќ

„Тома“ е последниот филмски хит на киноблагајните во Србија кој ги руши сите рекорди на гледаност. Биографскиот филм за една од најголемите балкански ѕвезди, пејачот Тома Здравковиќ ја заведе публиката и сите се апсолутно воодушевени, а високата оценка од 9.3 на Imdb само потврдува дека филмот вреди да се изгледа.

Драган Бјелогрлиќ (58) одамна не може да се нарече „само актер“, бидејќи она што започна како скромна и ненаметлива кариера го претвори во еден од најквалитетните ликови во српската кинематографија, како актер, но и сценарист, продуцент и режисер.

Во следните филмски остварувања тој секаде го има ставено својот потпис во една или повеќе улоги.

Ова се филмови и ТВ серии кои вашите родители ќе ги обожаваат, но вреди да ги изгледаат и помладите генерации:

Toma

Животот на пејачот Тома Здравковиќ, кој е познат по својата музика, колку и по неговиот боемски начин на живот. Од неговите скромни почетоци во Лесковац, до национална слава и богатство низ регионот.

https://www.youtube.com/watch?v=FScqYLz6vvo

Vratice se rode

Приказна за двајца пријатели и ситни крадци кои се обидуваат да заработат за живот на секој можен начин, но не успеваат бидејќи среќата очигледно им го свртела грбот.

Montevideo, Bog te video

Фудбалски тим ги следи своите соништа со натпреварување на првото светско првенство во фудбал во Уругвај во 1930 година.

Senke nad Balkanom

Во турбулентниот период од доцните 1920-ти на Балканот, високата политика, локалните интереси, капиталот и криминалот се спојуваат заедно во неверојатна приказна со интриги и пресврти.

Ivkova Slava

Приказната се случува во Ниш, кон крајот на 19 век кога Ивко ја започнува својата куќна слава, а неговите најдобри пријатели одбиваат да си заминат од неговиот дом.

Lepa sela lepo gore

За време на војната во Босна, двајца пријатели од детството стануваат крвни непријатели, бидејќи трагичните околности на војната ги ставаат на спротивни страни, разоткривајќи ги најстрашните и најсурови аспекти на човечката природа.

https://www.youtube.com/watch?v=xdgg3g7STTQ

(О)Милена | Црнобело