Зошто птиците толку многу ги сакаат телефонските и струјните жици?

Птиците се неверојатни суштества кои имаат можност да летаат, но наместо тоа поголемиот дел од времето го поминуваат на телефонските жици и жиците за струја. Зошто е тоа така?

Биологот Марк ЛеБар вели дека постојат неколку причини за тоа. За грабливите птици жиците претставуваат одлично место каде без пречки можат да го следат пленот.

Некои видови пак, сакаат да се собираат на жиците пред да започнат сезонските миграции. Токму затоа, на крајот од летото и на почетокот на есента најчесто ќе го забележите овој феномен.

ЛеБар вели дека некои птици ги избегнуваат жиците кога е време за парење, но од друга страна пак, некои го прават сосема спротивното за да им биде слушната песната која ги довикува потенцијалните партнери.

Н. Г. | Црнобело