Тори Спелинг на „работ од сиромаштија“ среде развод - Порасна во палата со 123 соби, сега оди во евтини мотели

Според некои извори, сегашното богатство на Тори се проценува на околу 250.000 долари, додека други тврдат дека има околу 1,5 милиони.

По смртта на татко ѝ, најголемиот дел од богатството го наследи нејзината мајка – Кенди. Тори добивала пари од мајка ѝ, но поради неразумното трошење, ја изгубила оваа привилегија.

Прочитајте и: Како Тори Спелинг од богата наследничка стана задолжена жена на работ од нервен слом?

Во 2013-та, самата откри дека била на раб на банкрот и била толку задолжена, што барала пари од блиски луѓе за да си ги плати сметките.

Истовремено, периодов Тори е и среде развод.

Актерката и сопругот Дин Мекдермот се во брак 18 години, а неодамна споделија дека ќе се разведуваат. Но, речиси веднаш потоа ја избришаа објавата од Инстаграм.

Според извори блиски до парот, сопругот Дин повеќе не можел да ги поднесе барањата на Тори и сметал дека „ништо никогаш нема да биде доволно добро за неа“.

Наводно, 56-годишниот Дин направил сè во негова моќ за да ја усреќи Тори, но безуспешно.

„Дин се промени и навистина се трудеше да биде сопругот што ѝ е потребен на Тори.

Но, таа постојано бара нешто друго. Ништо што направил Дин нема да биде добро за Тори“, вели извор за Daily Mail.

Изворите велат и дека финансиските проблеми дополнително го влошиле односот помеѓу нив, како и обврските околу децата.

Дин, кој и самиот е актер, почнал да се ангажира повеќе за да може да го издржи семејството, но на Тори не ѝ се допаѓало ова. Односно, на почетокот таа го притискала, но кога бил зафатен со работа, му се лутела.

„Таа сакаше Дин да почне да работи повеќе за да заработува пари за семејството. И, тој доби голема улога во канадска серија и некои важни филмски улоги. Тори сакаше Дин да биде подобар татко, а тој си го посвети целото слободно време за нив“.

Наводно, Дин ѝ помогнал на Тори да го подобри односот со мајка си, и на почетокот таа му била благодарна. Но, со текот на времето престанала да го цени неговиот труд, па односот значително им се влошил.

Во врска со лошите финансиски одлуки што ја донесоа на работ на банкрот, Тори смета дека вината лежи во нејзиното семејство.

„Не сум јас виновна што сакам луксуз. Израснав во раскош. Моите стандарди се многу високи. Сега не можам да си го дозволам тој начин на живот, но кога сте пораснале со сребрена лажица, тешко е да ја прифатите пластичната“.

Спирова С. | Црнобело