Не ѝ дозволува да пали светло, ja тера да носи темни бои: Бизарниот однос на Ал Пачино (83) и девојката (29), со која доби дете

Детали

недела, 09 јули 2023

„Тој инсистира таа да не пали светло во домот, затоа што не сака себеси да се гледа во огледало колку е остарен“ – тврдат извори блиски до Ал Пачино и неговата 54 години помлада девојка Нур Алфала, за странските таблоиди. Наводно, односите меѓу парот, што неодамна го доби првото дете, се влошени.

Во јуни годинава целиот свет го обиколи веста дека холивудскиот актер Ал Пачино на 83 години го доби своето четврто дете од неговата 54 години помлада девојка Нур Алфала (29). На синот му го дадоа името Роман, а таблоидите од самиот почеток се заинтересирани за нивниот однос и врска.

Radar Online повикувајќи се на сопствени извори пишуваше дека актерот воопшто не се чувствувал пријатно кога дознал дека Нур е бремена, затоа „што сакал да има врска без обврски, а сега целиот живот ќе мора да остане врзан со неа“.

Сега, еден месец откако станаа родители, истиот таблоид повикувајќи се на извори блиски до парот пишува дека таа воопшто не е импресионирана од односот што го има со таткото на нејзиното дете и дека нивниот однос е влошен.

Наводно, нејзе ѝ пречи тоа што актерот често става портокалов спреј за потемнување, а дополнително ѝ оди на нерви неговото ексцентрично однесување.

„На почетокот неговите ексцентрични барања беа забавни, но веќе не се. Тој инсистира таа да не пали светло во домот, затоа што не сака себеси да се гледа во огледало колку е остарен.

Таа мора постојано да се облекува во темни бои, за да го следи неговото модно мото, иако е во ред понекогаш да носи и високи потпетици, а секогаш треба да му биде достапна, па дури кога и во последен момент ќе ѝ каже дека треба да излезат на состанок“ – пишува Radar Online.

Дополнително, на неговите девојки не им се допаѓа тоа што актерот кој има богатство од 120 милиони долари, е скржав и не сака да троши пари на нив.

Пред да ја почне врската со Нур Алфала, Ал Пачино беше во врска со израелската актерка Мител Дохан (42) која му раскинала заради огромната разлика во годините, но и затоа што тој не сакал да троши пари на неа.

Извори блиски до парот велат дека актерот се чувствувал дека 54 години помладата девојка забременила за да го „зароби“, но тој нема намера да се ожени за неа.

Инаку, ова не ѝ е прва врска на Нур со маж што е значително повозрасен од неа. Таа претходно била во врска со Мик Џегер (79), а ја поврзуваа и со Клинт Иствуд (93).

 Б. С. Б. | Црнобело