Темниот Витез со најгледан викенд во историјата на филмот!

Детали

сабота, 19 јули 2008

Темниот Витез (The Dark Knight), вториот дел од Бетмен сагата на режисерот и сценарист Кристофер Нолан ги покори благајните имајќи наголем викенд во историјата на кинематографијата со направени над 65 милиони долари првиот ден и со 157 милиони за целиот викенд.

The Dark Knight ги оправда очекувањата на најдобар можен начин со успех како кај публиката, така и кај критиката која веќе го споредува со легендарниот Кум 2, како најдобро продолжение на игран филм.

Batman Begins пред три години остави одличен впечаток меѓу фановите на мрачниот стрип херој, па затоа се очекуваше неговото продолжение The Dark Knight да оствари голем успех, меѓутоа овие бројки ги изненадиле дури и самите продуценти на филмот.

Интересно е да се каже дека имало толкава побарувачка за карта повеќе што филмот се прикажувал сите 24 часа, па дури биле распродадени и прикажувањата на филмот во 1, 3 : 30 и 6 часот наутро.

Главните јунаци ги играат Кристијан Бејл, кој ја репризира улогата на Бетмен, покојниот Хит Леџер маестрално го преставува главниот негативец Џокер и Арон Екхарт како државниот обвинител/негативец Харви “Две лица” Дент (2 Face).

За жал, иако во цел свет со нетрпение се очекува и се гледа овој филм, кај нас нема никакви најави за негова презентација.