Единствените 3 жени кои не носеа црно на Златни Глобуси 2018

Детали

вторник, 09 јануари 2018

На 75-тите Златни Глобуси, речиси сите актерки се појавиjа во црни фустани, во знак на протест против сексуалното злоставување во филмската индустрија од страна на Харви Вајнштајн.

Во знак на револт, на жените им се придружиле и неколку мажи кои ги поддржале во целта.

Сепак, покрај сите жени кои се согласиле на бунтот, имало само 3 кои не ја сфатиле пораката, или можеби се одлучиле на тивок протест.

На црвениот тепих кој го преплавија црни аутфити, овие 3 жени се појавија во колоритни комбинации.

Барбара Мајер

31-годишниот модел се појави на Златните Глобуси во раскошен фустан во комбинација на сиви, сини, бели и розови нијанси, надополнети со светки, а значително се истакна покрај едноставните црни фустани.

Бланка Бланко

36-годишната актерка се појави во црвен долг фустан. Таа не само што се истакна со бојата на фустанот, туку и со разголените делови кај деколтето и високиот шлиц.

Сепак, таа во една изјава, објаснила зошто се одлучила за овој чекор: „Сакам црвена боја. Тоа што носам црвено не значи дека сум против движењето. Ги поддржувам храбрите актерки кои се спротивставуваат на злоставувањето преку нивните постапки и стилскиот избор.“

Мехер Татна

Многумина се изненадени од нејзиниот избор на боја за аутфитот, но сепак постојат мислења дека претседателот на Здружението за холивудски странски новинари, ја одбрала оваа боја, бидејќи сака да оддаде почит на Индија, а таму „црвената е нашата црна“.

М. М. | Црнобело