Како помина средбата на Анџелина Џоли и Џенифер Анистон на Златни Глобуси? (фото)

Детали

вторник, 09 јануари 2018

Двете поранешни сопруги на Бред Пит беа заедно на ист настан прв пат по речиси 3 години.

Во неделата во Лос Анџелес се одржа 75-тото издание на Златни Глобуси на кое Анџелина Џоли и Џенифер Анистон имаа средба прв пат по јануари 2015 година, кога двете се појавија на настанот Critics' Choice Movie Awards.

На една телевизиска снимка направена додека Анистон најавува награда, Џоли намерно со поглед ја избегнува сцената, додека пак актерката Дакота Џонсон, позната по филмот Fifty Shades, ја гледа Анџелина за да ја види реакцијата при појавувањето на Анистон.

За време на настанот Џоли и Анистон ниту еднаш не беа фотографирани заедно, ниту фатени како налетуваат една на друг, но вртењето на погледот на Џоли на страна за време на говорот на Анистон предизвика низа реакции на Твитер.

Додека поранешните сопруги на Бред Пит присуствуваа на значајната филмска манифестација, тој деновиве посети една вечера организирана од актерот Шон Пен.

Џенифер (48) беше во брак со Бред Пит од 2000 до 2005, а Анџелина (42) oд 2014 до изминатата година. Кружеа гласини дека Анџелина и Бред се вљубиле за време на снимањето на филмот „Mr. & Mrs. Smith“ и токму таа е причината за неговата разделба од Анистон.

На настанот тие седеа на неколку маси една од друга.

На Златни Глобуси филмот на Анџелина Џоли „First they killed my father“ беше номиниран во категоријата „Најдобар странски филм“, но не успеа да ја добие наградата.

Џенифер Анистон доделуваше награда на настанот, а при пристигнувањето го скокна позирањето на црвениот тепих.

Двете актерки го запазија неофицијалниот дрес код во црно на настанот во знак на протест против филмскиот могул Харви Вајнштајн. И блескаа на сцената:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело