Љубов без рок на траење: Холивудски парови со најдолговечни бракови

Детали

понеделник, 15 јануари 2018

Среќните и долговечни бракови се навистина ретка појава во светот на шоу бизнисот. Од куси излети во брачните води, па до повеќегодишни врски со неславен крај, љубовта во Холивуд вообичаено е со ограничен рок на траење. Но, постојат и исклучоци. Кои познати двојки се рекордери во брачните води?

Само малкумина од холивудските парови заедно ја прославуваат десетгодишнината од бракот. Сепак, меѓу нив има и сопружници што ѝ пркосат на поразителната статистика, па нивната љубов трае и по две, три, четири, па дури и повеќе декади.

Меѓу рекордерите се наоѓа филмската дива Мерил Стрип, која покрај плодната кариера, низ годините го одржа на стабилни нозе и бракот со вајарот Дон Гамер.

Се запознале недолго по смртта на актерот Џон Казал, големата љубов на Мерил, со кого таа глумеше во култниот филм „Ловец на елени“, а заедно беа во двегодишна врска.

По шест месеци забавување, глумицата му го кажа судбоносното „да“ на Дон, а нивната романса трае и денес – 40 години подоцна.

Среќна и идилична врска имаат и шармантните и вечно младите Голди Хоун и Курт Расел.

Иако не си разменија официјално прстени пред сведоци, тие останаа еден покрај друг речиси 35 години.

Заедно се со децении, а се љубат исто како и првиот ден. Кои се останатите ѕвездени двојки што им се придружуваат на листата?

Ви ги откриваме дел од холивудските парови со најдолговечни бракови:

Том Хенкс и Рита Вилсон

Години во брак: 1988 – денес

Мерил Стрип и Дон Гамер

Години во брак: 1978 – денес

Голди Хоун и Курт Расел

Години во брак: 1983 – денес

Хју Џекмен и Дебора-Ли Фурнес

Години во брак: 1996 – денес

Фелисити Хофман и Вилијам Х. Мејси

Години во брак: 1997 – денес

Џон Траволта и Кели Престон

Години во брак: 1991 – денес

Сара Џесика Паркер и Метју Бродерик

Години во брак: 1997 – денес

Мишел Фајфер и Дејвид Е. Кели

Години во брак: 1993 – денес

Вил Смит и Џејда Пинкет Смит

Години во брак: 1997 – денес

Мајкл Џ. Фокс и Трејси Полан

Години во брак: 1988 – денес

М. А. | Црнобело