Амал Клуни ги отвори вратите од семејниот дом за Vogue, зборуваше за близнаците и Џорџ Клуни

Детали

среда, 11 април 2018

Мајското издание на Vogue ќе го краси прекрасната жена, мајка на близнаци и успешна адвокатка, Амал Клуни.

Амал ги отвори вратите од домот во Англија за тимот на Vogue и ги покани во куќата која ја купиле со Џорџ и каде го поминале медениот месец..

Таа позираше во креации на Rosetta Grey, Oscar de la Renta и Johanna Ortiz, Frame, Balmain и други, а прекрасната фотосесија ја направи Ани Лебовиц.

Резиденцијата на семејството Клуни е речиси најголемата во околината, се наоѓа покрај река, има стаклена градина полна со цитрусни дрвја, има базен и бар „за забави“.

Во куќата има прекрасно уредени соби со многу фотографии од семејството, а има и соба со машина за фотографирање каде гостите може веднаш да си земат копија од фотките со близнаците Ела и Александар.

Таа се отвори за мајчинството, но го пофали и Џорџ кој многу се трудел првите зборови на близнаците да бидат „мама“, а потоа и „тато“.

Иако таа беше позната по нејзините достигнувања во кариерата, сепак стана уште попопуларна кога почна да се гледа со Џорџ.

Тие се запознале кога имала 35 години, преку заеднички пријател во неговиот дом на езерото Комо во Италија, а за запознавањето со неа, актерот изјавил:

„Секако дека беше убава. Но мислам дека беше и фасцинантна. И брилијантна. Нејзиниот живот беше неверојатно возбудлив – клиентите кои ги водеше и хуманата работа што ја правеше, паднав на неа од моментот кога ја видов.“

Тие го одржале контактот преку мејлови, а подоцна биле и на првиот состанок во Лондон, па Амал открива како се чувствувала:

„Беше најприродното нешто на светот. Пред тоа искуство, секогаш се надевав дека сигурно постои љубов која не е тешка и не бара товар при носење одлуки. Сега, љубовта е единствената работа во животот, што според мене е главна детерминанта за среќа и нешто врз што имаме најмалку контрола.“

Амал често работи од дома за да може да се грижи и за близнаците, па има прекрасно уредена соба за работа во куќата, исто како и Џорџ.

Како адвокат за правата на жените, за движењето „Me Too“ таа изјавила:

„Мислам дека заради храбрите жени кои решија да ги кажат своите приказни јавно, работната средина ќе биде побезбедна за мојата ќерка, отколку што беше за луѓето од мојата генерација.“

М. М. | Црнобело