Роналдо, по влечки, го прими роденденскиот подарок од Џорџина - му купи автомобил од 177.000 евра
- Детали
- понеделник, 07 февруари 2022
„Ти си најдобриот татко и најдобриот партнер со кого Бог можеше да ме спои“ – му порача Џорџина на својот партнер Кристијано Роналдо по повод неговиот роденден. Таа му подари подарок вреден 177.000 евра, што е наменет за целото семејство.
Џорџина Родригез боса излезе надвор за да му го покаже скапиот подарок што таа му го подари на својот партнер Кристијано Роналдо за неговиот 37-ми роденден.
Роналдо на Инстаграм претходно објави фотографија со него и со неговата партнерка Џорџина Родригез на која се гледа дека добил голема торта во форма на неговите иницијали и бројот на дресот „CR7“, а во описот напиша:
„Животот е ролеркостер. Напорна работа, полна брзина, неопходни цели, очекувања… Но, на крајот, сè се сведува на семејството, љубовта, искреноста, пријателството, вредностите што го прават животот вреден“.
Џорџина објави кратко видео на кое се гледа како боса излегува од нивниот дом во Манчестер за да му го покаже роденденскиот подарок на Роналдо. Станува збор за голем луксузен автомобил кој треба да биде соодветен за нивното семејство што за брзо време ќе стане уште поголемо.
Таа му подари автомобил Cadillac Escalade со осум седишта, кој чини околу 177.000 евра.
„Среќен 37-ми роденден на љубовта на мојот живот. Те сакам бескрајно. Ти си најдобриот татко и најдобриот партнер со кого Бог можеше да ме спои. Ти си борец и ги заслужуваш сите убави нешта што ти се случуваат. Ти си совршенство и инспирација“ – му порача таа на Инстаграм.
Во новиот автомобил први имаа можност да се повозат четирите деца на Роналдо. Инаку, Џорџина во моментов е бремена со близнаци, па нивното шестчлено семејство наскоро ќе стане уште поголемо и авотмобилот со осум седишта сигурно ќе им биде добредојден.
Б. С. Б. | Црнобело
Би можело да ве интересира:
Препорачуваме
Најчитани неделава
