Тиктокерка од САД патувала 9.000 километри за да го отстрани љубовното катанче што го оставила со бившиот во Сеул

Детали

среда, 19 мај 2021

Кеси Јеунг патувала 9.500 километри, од Лос Анџелес до Сеул, за да го отстрани љубовното катанче што го оставила во 2019-та со нејзиниот бивш партнер.

Кеси е многу популарна на ТикТок, а деновиве ги изненади корисниците со видео од нејзиниот необичен подвиг. Видеото на 23-годишната девојка досега има над 4,5 милиони прегледи, а во него таа покажува инсерти од нејзиното патување од Лос Анџелес до Сеул, Јужна Кореја.

Наводно, Кеси и нејзиното поранешно момче биле во Сеул во 2019-та и тогаш оставиле љубовно катанче на популарна туристичка атракција. Тие го оставиле катанчето на кулата Namsan, каде што вљубените парови од целиот свет ја „заклучуваат“ нивната љубов.

Видеото на Кеси почнува со кадар од авион, а потоа се гледа како Кеси купува клешти. Потоа се качува во градски автобус, па се упатува кон кулата и на крај почнува да го бара катанчето. И покрај тоа што на оградата има закачено илјадници катанчиња, Кеси успева да го најде тоа што го бара, па го отстранува со клештата.

На младата девојка ѝ биле потребни 30 минути за да го лоцира нејзиното катанче.

Сепак, подоцна Кеси откри дека не заминала во Сеул само за да го отстрани катанчето. Наводно, девојката сака да започне кариера како танчарка во градот, а додека се подготвувала за патувањето се сетила на катанчето. Тогаш помислила дека би можела да направи забавно ТикТок видео со оваа необична мисија.

„Ова е релевантно за сите кои ме следат бидејќи сите биле во врска, раскинувале и можеби оставиле вакви катанчиња со бившите партнери“, вели младата девојка.

@kassieyeung

Snip snip? ##seoul ##seoultravel ##seoul_korea ##seoultower ##lovelock ##breakup ##petty ##korea ##breakuptiktok ##pettytiktok ##heartbreak

♬ Monkeys Spinning Monkeys - Kevin MacLeod

Во коментарите, повеќето луѓе го поддржуваат нејзиниот необичен подвиг и нагласуваат дека би сакале да го направат истото со катанчињата што ги оставиле со бившите.

Спирова С. | Црнобело