Спектакуларната јунска полна Месечина го осветли синоќешното небо ширум целиот свет (фото)

Детали

петок, 25 јуни 2021

Синоќа, 24 јуни, небото го красеше јунската полна Месечина, а фотографите ширум светот не ја испуштија можноста да ја овековечат прекрасната глетка.

Полната Месечина во јуни е позната и како Супермесечина на јагодите – име што потекнува од домородното население во САД. Името не се однесува на бојата на Месечината, туку е инспирирано од кратката сезона на берење јагоди во североисточниот дел на САД.

Зборот „супермесечина“, пак, значи дека полната Месечина е најблиску до Земјата. Овој случај, Месечината изгледа околу 14% поголема и 30% посветла на ноќното небо.

Зборот „супермесечина“ првпат го искористил астрологот Ричард Нол во 1979 година, и денес е прифатен од скоро сите држави.

Во продолжение неколку фотографии од синоќешната Супермесечина ширум светот:

Москва, Русија

Дубаи, Обединети Арапски Емирати

Никозија, Кипар

Москва, Русија

Кувајт

Гластонбери, Англија

Истанбул, Турција

Каиро, Египет

Филаделфија, САД

Спирова С. | Црнобело