Навивачи скокаа од мостови во автобусот со играчите, судири со полицијата – Прославата во Аргентина прекината заради инциденти (видео)

Детали

среда, 21 декември 2022

Играчите беа евакуирани со хеликоптер, обожавателите се судрија со полицијата, а околу 31 лице се здоби со повреди. Прославата во Аргентина по победата на Светското првенство во Катар заврши со повеќе инциденти. Видеа од моментите кога навивачите од мостови скокаа во отворениот автобус.

Според проценките околу 4 милиони Аргентинци вчера (20.12) се собраа во Буенос Аирес на парадата по повод победата на Аргентина во Светското првенство во Катар, но обиколката на играчите со отворениот автобус мораше да биде прекината откако неколкумина навивачи од мостови скокнаа во отворениот автобус каде беа играчите.

Lionel #Messi and team were evacuated in helicopters after fans jumped from bridges to get on the bus during the #FifaWorldCup winners' parade in Buenos Aires#Argentinafans #FIFAWorldCupFinal https://t.co/s54PeOSdmb pic.twitter.com/IgjU5z47Q8

— News18 (@CNNnews18) December 21, 2022

По ова фудбалерите на националната репрезентација на Аргентина беа евакуирани со хеликоптери и со леталата ја продолжија обиколката над главниот град.

На социјалните мрежи масовно се споделуваат видеа од навивачите кои скокаат од мостови и влегуваат во отворениот автобус каде што биле играчите, а некои од нив и не успеаја, па паднаа од голема височина.

FALLÓ EL OPERATIVO DE SEGURIDAD EN ARGENTINA🇦🇷🚨

Luego de este incidente, y ante la imposibilidad de avanzar en Buenos Aires por la masiva presencia de fanáticos, las autoridades argentinas tomaron la decisión de evacuar a los jugadores en helicóptero.pic.twitter.com/2OS7kyi0Ea

— Táchira Noticias (@TachiraNoticias) December 20, 2022

Инаку, прославата заврши откако полицијата и пожарникарите се судрија со масата обожаватели, а според локалните медиуми вкупно 31 лице беа повредени, а 13 лица биле уапсени.

🇦🇷 | URGENTE: Reportan incidentes en el Obelisco en Buenos Aires entre la Policía y un grupo de hinchas. #Argentina pic.twitter.com/DE1Rc15kJh

— Alerta Mundial (@AlertaMundoNews) December 20, 2022

Немирите настанале околу 8 часот вечерта откако полицајците и пожарникарите пристигнале на плоштадот во близина на споменикот Обелиск за да ги растераат обожавателите кои се искачиле на него.

Биле уапсени 4 лица што биле затекнати во споменикот, а службите примиле 800 повици за медицинска помош и исчезнати лица.

Погледнете повеќе фотографии од прославата:

 Б. С. Б. | Црнобело