Кој е вашиот знак во арапскиот хороскоп и што открива за вас?

Нож (22 јуни – 23 јули)

Луѓето со овој знак се нежни и грижливи, но можат да бидат и остри.

Имаат безусловна љубов за нивните сакани и можат да простат скоро сè.

Секогаш ги слушаат туѓите потреби, но и точно знаат што им е потребно на нивните најблиски.

Сепак, ако не го добијат истото за возврат, можат да бидат мошне студени.

Меч (24 јули – 23 август)

Главните карактеристики на луѓето родени во овој знак се гордоста и самодовербата.

Талентирани се, креативни и вредни, па неретко им служат како пример на другите.

Сакаат да бидат во центарот на вниманието и секогаш, без многу двоумење, ја преземаат улогата на лидер.

Поради нивната харизма, изгледаат мошне привлечно во очите на другите, а ова само им ја задоволува потребата за внимание.

Мачета (24 август – 23 септември)

Овие луѓе се практични и интелигентни, а притоа секогаш бараат начин да се подобрат себеси.

Кога станува збор за работа, секогаш се темелни и неретко се истакнуваат над другите.

Луѓето знаат дека можат да им веруваат и целосно се потпираат на нив.

Но, имаат и проблеми со темпераментот, па ако нешто не им оди по план, знаат да бидат избувливи.

Синџир (24 септември – 22 октомври)

Луѓето со овој знак се праведни, а ги ценат и убавите работи во животот.

Шармантни се, а оваа особина им помага лесно да се извлечат од непријатни ситуации.

Сакаат да им помагаат на другите, а поради нивната слаткоречивост, саканите неретко им ги споделуваат најдлабоките тајни.

Навистина се грижат за луѓето кои им се најблиски, а кога станува збор за романтични врски, лесно го добиваат она што го сакаат.

„Џамбија“ (23 октомври - 22 ноември)

Џамбија е вид заоблен арапски нож, а припадниците на овој знак се токму како ова оружје – моќни и мистериозни.

Можат да бидат многу интелигентни, но неретко не откриваат што сè знаат.

Истовремено, имаат и нешто како шесто сетило, па скоро секогаш знаат што мислат или чувствуваат луѓето околу нив.

Притоа, неретко ги привлекуваат опасни авантури, но секогаш се доволно паметни и знаат што да направат за да не настрадаат.

Лак (23 ноември - 21 декември)

Луѓето со овој знак се своеглави, но токму ова им помага лесно да ги решаваат проблемите со коишто се соочуваат.

Ретко се обесхрабруваат и обично настојуваат да мечтаат.

Имаат високи очекувања и од себе, и од луѓето околу нив.

Вистински истражувачи се и сакаат да искусат сè што може да им понуди животот.

Храбри се и полни со ентузијазам и неретко претставуваат добар пример за другите.

Спирова С. | Црнобело