„Сексот без љубов е потполно бесмислен“ - 15 цитати на славните дами за сексот

Мудрите мисли на дамите кои важат за најубавите и најсексипилните жени на сите времиња со сигурност ќе ви ги отворат очите и умот. Би рекле дека „најважната споредна работа“ на светот не е фудбалот, туку сексот. А што рекле познатите диви во врска со оваа тема?

Прочитајте ги нивните духовити и искрени цитати:

Софија Лорен: Сексот е како миење на лицето, тоа е нешто што го правите затоа што морате. Сексот без љубов е потполно бесмислен. Сексот секогаш доаѓа после љубовта, никогаш пред неа.

Мерил Стрип: Сè што нè прави среќни е навистина едноставно: љубов, секс и храна.

Џеки Кенеди: Сексот е лоша работа, бидејќи ги тутка алиштата.

Деби Хари: Би сакала јас да бев онаа којашто го измислила сексот.

Доли Партон: Секогаш сум била искрена на прашањата поврзани со сексот и драго ми е што сè уште сум… никогаш не ми бил валкан. На крајот на краиштата, Бог ни ги дал органите и можноста. Постои една стара изрека: „Ако Бог сакал да летаме, ни би дал крилја“. Е па погодете што навистина ни дал.

Елизабет Тејлор: Сум имала секс само со оние мажи со кои сум била во брак. Колку други жени може да го потврдат тоа?

Одри Хепберн: Мислам дека сексот е преценет. Јас не сум сексапилна и свесна сум за тоа. Всушност, јас изгледам прилично смешно. Како прво, имам смешни заби, а не поседувам ниту еден атрибут што филмските диви обични ги имаат, всушност немам никакви облини.

Џулиен Мур: Никогаш немате секс како луѓето во филмовите. Не го правите тоа на подот или додека стоите, не ја соблекувате секогаш сета облека која ја имате на себе и вообичаено не носите секси долна облека. Знаете, кога мене некој би ми ги скинал алиштата, би го убила.

Мерилин Монро: Сексот е целосно природна работа. Јас многу ја почитувам природата.

Бети Дејвис: Сексот е шега којашто Бог ја наменил за луѓето.

Џун Картер: Му бев потчинета на својот сопруг и тој ми дозволуваше да правам сè што сакам. Мислев дека сум среќна што имам таков вид на љубов.

Мадона: Веројатно сите си мислат дека сум некоја страшна нимфоманка и дека сум ненаситна, но вистината е дека секогаш ѝ давам предност на добрата книга пред сексот.

Брижит Бардо: Можеби луѓето ме нарекуваат грешница, но јас сум во мир самата со себе.

Елен Деџенерис: Го сакам кафето онакво како што ги сакам мажите. Не пијам кафе.

Џоан Крафорд: Сексот ми е потребен за сјајна кожа, но повеќе би сакала да го практикувам поради љубов.

(О)Милена | Црнобело