Факти за Гркот Аристотел Оназис и проклетството на неговото семејство – беше најбогат човек во светот, се ожени со Џеки Кенеди

Но, во 1973-та година семејството било погодено од голема трагедија, кога неговиот син Александар Оназис починал во трагична авионска несреќа. Иако бил лиценциран пилот, тој не управувал со авионот на компанијата на неговиот татко.

Една година подоцна, починала и првата сопруга на Аристотел, Атина од предозирање со лекови, а многумина шпекулирале дека станува збор за самоубиство.

Аристотел бил скршен од болка по загубата на синот. Се верува дека боледувал од автоимуното заболување мијастенија гравис која се манифестира со патолошка заморливост на скелетните мускули. Се верува дека тој починал во 1975-та година на возраст од 69 години, а како причина за смртта се наведува прекин на работењето на органите за дишење.

Односот на Џеки и на Аристотел бил толку заладен што таа воопшто не дошла во болницата додека бил на смртна постела. По неговата смрт таа добила само годишна исплата од 250.000 долари, но тоа не ѝ било доволно заради што поднела жалба. По неколкугодишна судска битка со ќерката на Оназис, Кристина, Џеки добила конечна исплата од 26 милиони долари.

Во само 3 години починале тројца членови на семејството Оназис, по што ќерката на Аристотел, Кристина останала единствениот член на семејството. Се верува дека таа целосно се преселила на приватниот остров Скорпиос на нејзиниот татко, каде секоја вечер приредувала забави.

Таа имала четири брака со кратко траење, од кој најкатастрофален бил четвртиот со францускиот фармацевтски наследник Тиери Расел. Иако бракот траел помалку од 3 години, Кристина со него ја добила ќерката Атина.

Расел јавно ја изневерувал Кристина со шведската манекенка Мариан Габи Ландхаге, па кога првиот пат добил дете со љубовницата, богатата наследничка на Оназис му простила, а кога го добил и второто дете со неа, таа одлучила да стави крај на бракот.

Кристина се сомневала дека Расел сака да се домолкне до нејзините пари, па ставила посебни услови во тестаментот под кои услови нејзината ќерка Атина би можела да го добие наследството.

Во 1988-ма година, откако повеќе години се борела со депресија и примала редовно лекови за состојбата, Кристина била најдена мртва во када во стан на пријатели во Буенос Аирес, а нејзината ќерка Атина имала само 3 години.

Иако се верува дека починала од срцев удар како последица на долгогодишно користење лекови, нејзината смрт и до ден-денес останува мистерија.

Малата Атина ќе го продолжи животот заедно со нејзиниот татко и неговата љубовница.

Атина денес е последната преживеана од семејството Оназис, а за разлика од нејзините предци сака да живее целосно повлечен живот, подалеку од очите на јавноста и скандалите, иако во последните неколку години беше топ тема заради скандалозниот развод со сопругот кој јавно ја изневеруваше.

Б. С. Б. | Црнобело