Едни правила важат за вас, други за нив: 5 знаци дека луѓето не ве ценат доволно

Секој од нас го доживеал она искуство како блиските да не нè ценат доволно и не се трудат околу нашиот однос.

Ова се 5 цврсти докази дека сте во право:

1. Другите ја искористуваат вашата добродушност

Луѓето кои нас не земаат здраво за готово се навикнати дека ние секогаш сме тука на располагање за нив и дека секогаш ќе правиме онака како што посакуваат. Тоа значи дека во одреден период сигурно ќе почнат да ја искористуваат вашата добродушност, па дури и да ви нанесат штета.

Во љубовната врска тоа ќе се одрази на начин на кој партнерот ќе биде потполно сигурен во вашата љубов и во фактот дека никогаш нема да го напуштите, па ќе престане да се труди околу вас.

2. Она што го правите не ви е возвратено

„Не размислувајте околу тоа што другите направите за вас, туку што вие можете да направите за нив“, мудра изрека по која треба да се водиме. Но, тоа не значи дека не треба да препознаете кога вие постојано давате, а не добивате ништо за возврат.

Блиските личности треба да ги ценат вашите добри карактеристики и со еднаква мера да се трудат да ви ги возвраќаат добрите дела.

3. Едни правила важат за нив, други за вас

Сте направиле брдо добри работи и потоа, правите една грешка и луѓето веднаш ви се лутат. Тоа е јасен знак дека ве земаат здраво за готово. Тие личности се навикнати дека сè правите како што треба и очекуваат дека никогаш нема да погрешите, но тие очекувања не се реални. Ако сте згрешиле, не треба да се чувствувате лошо заради тоа.

4. Другите ја игнорираат вашата присутност

Пријателката ве повикала на вечерно излегување, а кога ќе дојдете во нејзиното друштво, ви врти грб и цела вечер ве игнорира. Ова е јасен знак дека не ве почитува доволно и ве зема здраво за готово. Ако забележите дека се случуваат вакви работи, најдобро е да покажете дека се почитувате себеси и да избегнувате такви дружења.

5. Никогаш не иницираат контакт

Никој не е толку зафатен да не може да најде време да ви се јави, ако тоа го сака. Не постојат веродостојни оправдувања зошто на некоја личност вие морате да ѝ се јавите први, без разлика на тоа за каков однос станува збор. 

Н. Г. | Црнобело