Оптичка илузија на која секоја линија е иста - Не верувате?

Оптичката илузија на јапонскиот илузионист и истражувач Кошке Такахаши остави илјадници луѓе да се чешаат за главата и да се посомневаат во своите очи.

На прв поглед, веројатно гледате брановидни и цик-цак линии, кои наизменично се менуваат.

Но, што ако ви кажеме дека цик-цак линии не постојат на илустрацијата?

Токму затоа оптичката илузија го добила името искривено слепило.

Јапонскиот илузионист објаснува: „Очите може да ви се прелажани заради шемата на бои и нијанси. Тука не постојат цик-цак линии. Вашите очи ги измислуваат закривувањата заради подлогата на која линиите се наоѓаат. Реално, сите линии се брановидни и со идентична големина и форма. Нема триаголници и агли какви што првично видовте.“

Обидете се да се фокусирате на линиите само на една подлога. Пример, подолго време гледајте ги линиите во горниот бел агол. Ќе разберете за што зборуваме.

М. Д. | Црнобело