Лесно се дресираат, лојални се: Кои се најинтелигентните раси на кучиња?

Доберман пинчер

Оваа раса потекнува од Германија и е лојална и бестрашна. Всушност, овие кучиња можете да ги гледате и како лични телохранители.

Иако можат да изгледаат застрашувачки, овие кучиња се всушност нежни и нивниот карактер најмногу зависи од тоа како ќе бидат дресирани.

Брзо учат команди и се заштитнички настроени кон нивните сопственици.

Шетландски овчар

Уште една раса која потекнува од Британија. Како што кажува името, ова се овчарски кучиња, но фармерите ги „ангажирале“ и во грижата за другите животни.

Овие кучиња сакаат да учат и лесно можете да ги дресирате, а притоа се упорни и размислуваат мошне брзо.

Лојални се и се сметаат за едни од најдобрите раси за семејства со деца.

Лабрадор

Интелигенцијата на лабрадорите се истакнува со нивната желба за учење. И тоа, не чекаат некој да им покажува команди, туку тие самите можат да набљудуваат човек и да научат нешто.

Имаат мошне изострено сетило за мирис и брзо одлучуваат.

Притоа, нудат и одлична емоционална поддршка, па неретко се чуваат како кучиња помошници за луѓе со разни проблеми со здравјето.

Папилон

Ова дефинитивно е најмалата раса на листава, но не значи дека е помалку интелигентна.

Се верува дека оваа раса постои над седум века, а ова веројатно има голем удел во нејзината интелигенција.

Порано овие кучиња биле и вид статусен симбол кај богатите прво поради изгледот, но потоа и поради нивниот карактер.

Весели се, сакаат да си играат, а притоа брзо учат команди послушни се, но и многу лојални.

Спирова С. | Црнобело